काठमाडौँ- सुटकेसमा प्याक गरिएको अवस्थामा भेटिएकी रुबीकुमारी साह हत्याकाण्डका मुख्य आरोपी लक्ष्मण पासवानको पनि मृत्यु भएको छ।

बुधबार बिहान रौतहटबाट प्रहरीले नियन्त्रणमा लिएर उपचारका लागि काठमाडौँ पठाइएका उनको कीर्तिपुरस्थित बर्न अस्पतालमा ज्यान गएको हो ।

बुधबार प्रहरीले नियन्त्रणमा लिएपछि लक्ष्मणको एउटा भिडियो भाइरल भएको थियो । उक्त भिडियो रुबीकुमारीको ज्यान लिनुअघि लक्ष्मणले कुनै एकान्त स्थानमा गएर सुट गरेका थिए ।

हिन्दी भाषामा बोलिएको ९ मिनेट ३६ सेकेन्डको भिडियोमा उनले रुबीको हत्यापछि मर्नका लागि आफैँलाई आगो लगाउन लागेको बताएका थिए ।

तर रुबीका प्रेमीका रुपमा आफूलाई चिनाएका लक्ष्मणको उपचारका क्रममा कीर्तिपुर बर्न अस्पतालमा बुधबार साँझ सवा ६ बजे निधन भएको जिल्ला प्रहरी कार्यालय रौतहटले जानकारी दिएको छ ।