काठमाडौं- एकजना मुटुका बिरामीलाई पौने पाँच लाख रुपैयाँ आर्थिक सहयोग गरेका छन्।

मुटुको रोगका कारण लामो समयदेखि सहिद गङ्गालाल राष्ट्रिय हृदयरोग केन्द्रमा उपचारत भोजपुर नगरपालिका-११ आम्तेकका २६ वर्षीय मौसम राईलाई ४ लाख ७४ हजार आर्थिक सहयोग आइतबार हस्तान्तरण गरिएको हो ।

उक्त सहयोग रकम समाजसेवामा सक्रिय केदार राईको पहलमा नेपालसहित विभिन्न देशबाट संकलत गरिएको हो । विदेशमा दक्षिण कोरिया र बेलायतसहितका प्रवासी नेपालीहरूले पनि सहयोग रकम पठाएका थिए ।

मौसमको उपचारका लागि नेपालका सहयोगी, शुभेच्छुक, बेलायतमा रहेका आफन्त र दक्षिण कोरियासहित विभिन्न देशमा बस्ने नेपालीले उक्त सहयोग रकम दिएका हुन् । यो अभियानमा रकम संकलनका लागि नेपालबाट केदार, दक्षिण कोरियाबाट भविन्द्र राई र मलेसियाबाट गंगाराज राई सक्रिय भएका थिए।

उक्त सहयोग रकम समाजसेवामा सक्रिय केदर राईले मौसमका दाजु मिथुनलाई गंगालाल हृदयरोग केन्द्रमै पुगेर हस्तानतरण गरेका हुन् ।

मौसमलाई बचाउन केदार राईको संयोजकत्वमा नेपालसहित विभिन्न देशमा आर्थिक सहयोग संकलन अभियान चलाइएको थियो ।