काठमाडौं– राष्ट्रिय प्रजातन्त्र पार्टी (राप्रपा) को संसदीय दलको बैठक आज बस्दैछ ।
बैठक बिहान साढे १० बजे संसदीय दलको कार्यालय सिंहदरबारमा बस्ने राप्रपा प्रमुख सचेतक ज्ञानबहादुर शाहीले जानकारी दिए ।
बैठकमा मुलुकको पछिल्लो राजनीतिक घटनाक्रम, जेठ १५ गतेदेखि सुरु हुने देशव्यापी आन्दोलन, गृहमन्त्रीसँग जोडिएको भिजिट भिसा प्रकरणलगायत विषयमा छलफल हुने बताइएको छ ।
भिजिट भिसा प्रकरणमा गृहमन्त्री रमेश लेखक जोडिएको विषयमा संसदमा कसरी प्रस्तुत हुने भन्ने विषयमा विशेष छलफल हुने शाहीको भनाइ छ ।
प्रतिनिधिसभा बैठक आज बिहान ११ बजे बस्दैछ । बैठकमा विपक्षी दलहरू गृहमन्त्रीको राजीनामा माग्ने तयारीमा छन् ।
प्रतिक्रिया