कांग्रेस सांसद माया राई तीन दिनसम्म थुनामा रहने

१४ बैशाख २०८२, आइतबार

पढ्न लाग्ने समय : < 1 मिनेट

काठमाडौं– नेपाली कांग्रेसकी समानुपातिक सांसद माया राई तीन दिनसम्म थुनामा रहने भएकी छन् ।

सहकारी हिनामिनाको अभियोगमा हिजो कपनबाट पक्राउ परेकी सांसद राईलाई ३ दिनसम्म हिरासतमा राखेर अनुसन्धान गर्न जिल्ला अदालत, काठमाडौंले अनुमति दिएको हो ।

स्वर्णलक्ष्मी सहकारी ठगी तथा संगठित अपराध मुद्दामा मुछिएकी उनलाई गए राति प्रहरीले कपनस्थित निवासबाट पक्राउ गरेको थियो ।

उनी पक्राउ परेको जानकारी प्रहरीले सभामुख देवराज घिमिरेलाई लिखित पत्रमार्फत जानकारी गराइसकेको छ ।

प्रकाशित मिति : १४ बैशाख २०८२, आइतबार ३ : १० बजे

प्रतिक्रिया