काठमाडौं – समाजवादी मोर्चाले शुक्रबारका लागि तय गरेको प्रदर्शनको समय हेरफेर गरेको छ । माध्यमिक शिक्षा परीक्षा (एसइई)लाई मध्यनजर गर्दै मोर्चाले समय हेरफेर गरेको हो ।

कार्यक्रम व्यवस्थापन सचिवालय जारी गरेका सुचनमा एसइई परीक्षा ११ बजेसम्म चल्ने भएका कारण १२ बजेपछि प्रदर्शन सुरु गर्ने उल्लेख गरिएको छ ।

‘परिक्षामा सहभागी नानीबाबुहरुको परिक्षा ११ बजेसम्म चल्ने भएकोले समाजवादी मोर्चा नेपालको तर्फबाट भोलि २०८१ चैत्र १५ गते भृकुटीमण्डपमा हुने कार्यक्रमको जुलुस निर्धारित स्थानबाट मोटामोटी १२ः०० बजे शुरु गर्ने तय गरिएको छ’ सुचनामा उल्लेख गरिएको छ ।

यसअघि शुक्रबार बिहान ११ बजे देखि प्रदर्शन गर्ने समय तोकिएको थियो ।