काठमाडौं – चलचित्र ‘वरिष्ठ बलराम’ले रिलिज मिति घोषणा गरिएको छ । निर्माणपक्षले टाइटल टिजर सार्वजनिक गर्दै प्रदर्शन मिति आगामी वर्षको कात्तिक ३ गतेलाई तोकेको हो । ‘पूर्णबहादुरको सारङ्गी’ पछि नायक विजय बराल यही फिल्ममा केन्द्रीय भूमिकामा देखिदै छन ।

फिल्ममा दयाहाङ राई, पशुपति राई, समृद्धि अर्याल, माओत्से गुरुङलगायत कलाकारको अभिनय रहनेछ । यस फिल्मका निर्देशक सुरेन्द्र पौडेल हुन ।

निर्देशक पौडेलकै कथा र सम्पादन रहने यस फिल्मको पटकथा महेश दवाडीले लेखेका छन् । वृषभ सिद्धी इन्टरटेनमेन्टको ब्यानरमा बन्ने यस फिल्मका निर्माताहरु आशिस एच तामाङ र श्रीराज कार्की हुन निर्देशक पौडेल एक सातापछि छायाङ्कनमा निस्कने तयारीमा छन ।

सामाजिक कथावस्तुमा आधारित ‘वरिष्ठ बलराम’को छायांकन तराईका विभिन्न स्थानमा गरिने बताइएको छ।