काठमाडौं– राष्ट्रिय स्वतन्त्र पार्टीको सचिवालय बैठक सकिएको छ । पार्टी कार्यालय चमतीमा  कार्यवाहक सभापति डीपी अर्यालको सभापतित्वमा बसेको बैठकले संसदमा  सरकारले ल्याएका ५ वटा अध्यादेशको विषयमा संसदहरुले अध्ययन गरेर प्रस्तुत हुने छलफल चलेको छ । यसलाई अझ परिष्कृत १६ गते बस्ने संसदीय दलको बैठकले निर्णय गर्ने छ । 

यस्तै सरकारले सदन सुरु गर्न छाडेर अध्यादेश ल्याएको भन्दै त्यसको पनि विरोध गर्ने निर्णय गरेको छ । रास्वपा नेता विराजभक्त श्रेष्ठमा अनुसार आजको बैठकमा विषयगत विभाग र संगठनको नियमावली र विधिमा काम गर्न छलफल भएको छ । 

पार्टी प्रवेश गर्न आटेका जनप्रतिनिधिहरूलाई सम्बन्धित प्रदेशले नेतृत्व गरेर प्रवेश गराउने छलफल भएको छ । जिम्मेवारीहरू विकेन्द्रीकरण गरेर प्रदेशलाई दिने छलफल भएको छ । 

क्षेष्ठका अनुसार सात प्रदेशमा सचिवालय सदस्यकोको नेतृत्वमा त्यहाँका उद्योगी, व्यवसायी र अभियन्तासँग संवाद गर्न फागुन महिनाबाट अभियान चलाउने निर्णय गरेको छ । त्यसको लागि प्रतिनिधि सभा सदस्य, केन्द्रीय सदस्यको टोली खट्ने छ ।    

अध्यादेशको सन्दर्भमा अध्ययन गरेर प्रस्तुत हुने भनिएको छ । विपक्षीसँग राष्ट्रिय मुद्दामा संवाद गर्ने छलफल भएको छ । 

श्रेष्ठले खबरहबलाई भने, ‘संसद् सुरु हुन आटेको बेला दुई तिहाइको सरकारले ल्याएको अध्यादेशबारे पनि विधि र विधान अनुसार भएन भनेर प्रश्न हुन्छ ।’ 

बैठकले आवश्यक परेको खण्डमा सभापति रवि लामिछानेसँग परामर्श गरेर काम गर्ने समेत निर्णय गरेको छ ।