दोलखा– लप्सी टिप्ने क्रममा रुखबाट खसेर गम्भीर घाइते भएका दोलखाको बैतेश्वर गाउँपालिका–१ का ३१ वर्षीय प्रकाश तामाङको मृत्यु भएको छ ।
 
भीमेश्वर नगरपालिका–७ उखुबारीमा बिहीबार लप्सी टिप्न रुखमा चढेका तामाङ  खसेर गम्भीर घाइते भएका थिए । उनको टाउको र कम्मरमा गम्भीर चोट लागेको थियो।
 
घाइते तामाङलाई सुरुमा सदरमुकाम चरिकोटमा उपचार गरिएको थियो। त्यहाँबाट थप उपचारका लागि काठमाडौंस्थित केएमसी अस्पताल ल्याएका उनको  उपचारकै क्रममा गए राति मृत्यु भएको मृतकका दाजु जनक तामाङले जानकारी दिए।
 
लप्सीको ठेक्का लिएर काम गर्दै आएका तामाङ भीमेश्वर–७ उखुबारीका स्थानीय ८४ वर्षीय रितबहादुर बस्नेतको बारीमा लप्सी टिप्न रुखमा चढेका थिए । सुवाश बस्नेत/दोलखा