काठमाडौं– काठमाडौं इन्स्टिच्युट अफ चाइल्ड हेल्थ (कियोच) काठमाडौं चिल्ड्रेनस् हस्पिटलले निःशुल्क बहु–विशिष्ट बाल स्वास्थ्य शिविर आयोजना गर्ने भएको छ ।

शिविर पौष १३ र १४ गते बिहान १० बजेदेखि अपराह्न ३ बजेसम्म सञ्चालन हुनेछ  । शिविर काठमाडौँ महानगरपालिका–७, हेपाली हाइटस्थित काठमाडौं बाल अस्पताल परिसरमा आयोजना गरिने अस्पतालले जनाएको छ।

शिविरमा वरिष्ठ बालरोग विशेषज्ञहरूमार्फत परामर्श तथा उपचार सेवा निःशुल्क प्रदान गरिनेछ। यसअन्तर्गत सामान्य बाल स्वास्थ्य, बाल मानसिक स्वास्थ्य, नवजात शिशु सेवा, बाल नसासम्बन्धी रोग, बाल पेट तथा रक्तसम्बन्धी रोग, बाल क्यान्सर, बाल मिर्गौला ९नेफ्रोलोजी०, बाल मुटुरोग, बाल नाक–कान–घाँटी, बाल दन्त चिकित्सा तथा बाल हाडजोर्नी सम्बन्धी सेवा उपलब्ध हुनेछन् ।

त्यसैगरी शिविरमा ओपीडी जाँच, प्रयोगशाला सेवा, एक्स–रे, युएसजी, इको तथा इसिजी सेवा पनि प्रदान गरिने अस्पतालले जानकारी दिएको छ । 

अस्पतालले बालबालिकाको स्वास्थ्य परीक्षण तथा समयमै उपचारका लागि अभिभावकहरूलाई शिविरमा सहभागिता जनाउन आग्रह गरेको छ । थप जानकारीका लागि ०१–४३७०३७३ मा सम्पर्क गर्न सकिने जनाइएको छ ।