काठमाडौं – सञ्चार तथा सूचना प्रविधिमन्त्री एवम् सरकारका प्रवक्ता जगदीश खरेलले शुक्रबार प्रमुख दलका शीर्ष नेतासँग भेटवार्ता गर्दैछन्।

सञ्चारमन्त्रीको निजी सचिवालयका अनुसार बिहान ९:३० बजे कांग्रेस सभापति शेरबहादुर देउवालाई भेट्ने कार्यक्रम रहेको छ।

त्यसपछि सञ्चारमन्त्री खरेलले नेकपा (एमाले)का अध्यक्ष केपी शर्मा ओलीसँग भेटवार्ता गर्नेछन्। ओलीलाई भेट्न भक्तपुरस्थित ओली निवास गुन्डु बिहान ११ बजे पुग्ने कार्यक्रम रहेको छ।

सचिवालयका अनुसार दिउँसो १२ बजे सञ्चारमन्त्री खरेलले नेपाली कम्युनिस्ट पार्टी (नेकपा) संयोजक पुष्पकमल दाहाल ‘प्रचण्ड’सँग भेटवार्ता गर्ने कार्यक्रम तय भएको छ । सञ्चारमन्त्री खरेल शीर्ष नेतासँग भेट गर्न उनीहरुको निजी निवासमा पुग्नेछन् ।

सरकारले निर्वाचनको वातावरण बनाउन शीर्ष नेतासँगको छलफललाई तिब्रता दिएको हो । यसअघि राष्ट्रपतिको अग्रसरतामा शीर्ष तीन नेतासहित प्रधानमन्त्री सुशीला कार्कीले चुनावको विषयमा छलफल गरेका थिए ।