काठमाडौं– स्वास्थ्य तथा जनसङ्ख्या मन्त्रालयले आफू मातहतका अस्पताल तथा स्वास्थ्य संस्थाहरूसँग रिक्त पदहरूको विवरण माग गरेको छ ।

पोखरा स्वास्थ्य विज्ञान प्रतिष्ठान सहित विभिन्न ३१ वटा स्वास्थ्य संस्थाहरूलाई पत्राचार गर्दै तिन दिनभित्र विवरण उपलब्ध गराइदिन अनुरोध गरेको छ ।

‘लोकसेवा आयोगको स्वीकृत वार्षिक तालिका अनुसार आर्थिक वर्ष २०८२(०८३ मा रिक्त निजामती सेवा तर्फका राजपत्राङ्कित तृतीय श्रेणी र स्वास्थ्य सेवा तर्फका सातौँ र आठौँ तहको पदहरूमा स्थायी पदपूर्ति गर्ने प्रयोजनका लागि आकृति फारम भरी आयोगमा पठाउनुपर्ने भएकाले नेपाल स्वास्थ्य सेवाको सातौँ र आठौँ तहको विभिन्न सेवा, समूह र उपसमूहको विवरण तिन दिनभित्र उपलब्ध गराइदिनुहुन अनुरोध गरिन्छ’ मन्त्रालयद्वारा जारी पत्रमा भनिएको छ ।