काठमाडौं– प्रधानमन्त्री सुशीला कार्कीले मन्त्रिपरिषद् विस्तार गर्ने पक्कापक्की भएको छ ।

प्रधानमन्त्री निकट उच्च स्रोतका अनुसार आज चारजना मन्त्रीले शीतल निवासमा शपथ खाने छन् । 

स्रोतका अनुसार डाक्टर सुधा शर्मालाई स्वास्थ्य मन्त्रालयको जिम्मेवारी दिइनेछ। यस्तै गणपतिलाल श्रेष्ठलाई भूमि व्यवस्था तथा सहकारी मन्त्री, खगेन्द्र सुनुवारलाई श्रम मन्त्रालयको जिम्मेवारी दिइनेछ ।

यस्तै बब्लु गुप्तालाई युवा तथा खेलकुद मन्त्रालयको जिम्मेवारी दिने प्रधानमन्त्री निकट स्रोतको भनाइ छ ।

यता राष्ट्रपति कार्यालयकी सूचना अधिकारी अर्चना खड्काका अनुसार राष्ट्रपति कार्यालयमा साढे २ बजे शपथको तयारी गर्न भनिएको छ। 

‘साढे २ बजे शपथको तयारी गर्नु भनेर सामान्य जानकारी गराइरहेको छ। त्यसपछि पुन कुरा भएको छैन ।’ उनले खबरहबलाई भनिन,’ कति के भनेर नामहरू पुरै डिटेलमा आइसकेको छैन। तर हामीले तयारी गरिरहेका छौं ।’