काठमाडौं – प्रधानमन्त्री सुशीला कार्कीले आइतबार मन्त्रिपरिषद् विस्तारको तयारी गरेकी छन् । आइतबार स्वास्थ्य तथा जनसंख्यासहित चार वटा मन्त्रालयले नयाँ मन्त्री पाउने बालुवाटार स्रोतको दाबी छ ।

प्रधानमन्त्री कार्कीले डा. सुधा शर्मा गौतमलाई स्वास्थ्य तथा जनसंख्या, गणपतिलाल श्रेष्ठलाई संस्कृति पर्यटन तथा नागरिक उड्डयन, खगेन्द्र सुनारलाई श्रम तथा रोजगार र बब्लु गुप्तालाई युवा तथा खेलकुद मन्त्रीको जिम्मेवारी दिएर मन्त्रिपरिषद् विस्तार गर्न लागेकी हुन्।

स्वास्थ्यमन्त्री बन्न लागेकी शर्मा पूर्व स्वास्थ्य सचिव हुन भने संस्कृतिमन्त्री बन्न लागेका श्रेष्ठ संरक्षण अभियान्ता हुन् । सुनुवार भने दलित अधिकारकर्मी हुन् । खेलकुद मन्त्री बन्न लागेका गुप्तासमेत सामाजिक अभियान्ता हुन् ।

आइतबार नै मन्त्रिपरिषद् विस्तार हुने बताइएको भए पनि राष्ट्रपति कार्यालयले भने शपथको कार्यक्रम सार्वजनिक गरिसकेको छैन ।