काठमाडौं– उपत्यकाका मेयर्स फोरमले क्षतिग्रस्त संरचना पुन निर्माणका लागि ६ करोड रुपैयाँ बराबर सहयोग गर्ने बताएको छ ।

गोदावरी नगरपालिकामा बसेको फोरमको १२ औँ बैठकले सिंहदरबार र उपत्यका प्रहरी कार्यालय सुदृढीकरणका लागि उक्त रकम दिने घोषणा गरेको थियो । 

सोबारे फोरमका अध्यक्ष तथा ललितपुर महानगरपालिकाका प्रमुख चिरीबाबु महर्जनले शुक्रबार पत्रकार सम्मेलन गर्दै सिंहदरबार पुनर्निर्माणका लागि ५ करोड र उपत्यका प्रहरी कार्यालयलाई १ करोड सहयोग गर्ने बताएका हुन् ।

‘तोडफोड भएका प्रहरी चौकी र नगरपालिकाको सेवा प्रवाहमा सक्दो सहयोग गर्ने हामीले निर्णय गरेका छौँ, उनले थपे, ‘सिंहदरबारसहितका ऐतिहासिक र सार्वजनिक सम्पत्तिमा भएको तोडफोड तथा आगजनीप्रति फोरमको कडा आपत्ति छ, दोषीलाई कडाभन्दा कडा कारबाही गर्न सरकारसँग हाम्रो माग छ ।’

फोरमले सार्वजनिक सम्पत्ति पुन निर्माण र संरक्षणमा सबैलाई एकजुट हुन अपिल गरेको छ ।

काठमाडौं उपत्यकाका १८ नगरपालिका र ३ गाउँपालिकाका प्रमुख तथा उपप्रमुखहरूको सहभागितामा सम्पन्न भएको थियो ।