काठमाडौं – ला लिगा अन्तर्गत शुक्रबार राति भएको खेलमा बार्सिलोनाले सानदार पुनरागमन जित निकालेको छ। सुरुवाती अग्रता लिएको ओभिएदोमाथि बार्सिलोनाले ३-१ को सानदार जित निकालको हो।
खेलको ३३ औं मिनेटमा ओभिएदोका अल्बर्टो रेइनाले गोल गर्दै १–० को अग्रता दिलाएका थिए। पहिलो हाफको अग्रतालाई बार्सिलोनाले दोस्रो हाफमा पुनरागमन गर्दै तोडेको हो।
खेलको ५६ औँ मिनेटमा बार्सिलोनाका एरिक गार्सियाले बराबरी गोल गरे। ७० औं मिनेटमा रोबर्ड लेवान्डोव्स्कीले अर्को गोल गर्दै २-१ को अग्रता बनाए । खेलको ८८ औं मिनेटमा थप गोल गर्दै रोनाल्ड अराउजोले ३-१ जित पक्का गरेका हुन्। यो जितसँगै बार्सिलोनाले ६ खेलबाट १६ अंक जोडेको छ। बार्सिलोना तालिकाको दोस्रो स्थानमा छ।
प्रतिक्रिया