काठमाडौँ- भाद्र शुक्ल तृतीयाका दिन मनाइने नेपाली हिन्दु नारीहरूको महान पर्व तिजको अवसरमा आज देशभरका देवालय, तथा महादेव मन्दिरमा श्रद्धालुहरूको भीड लागेको छ ।
यस पर्वमा खानपिन नगरी, व्रत, उपवास बस्ने चलन छ । व्रतपछि स्नानका साथै अरुनधतीसहित सप्त ऋृषिहरूको पूजा अर्चना गरी श्रीमान र घरपरिवारको दीर्घायु, शान्ति समृद्धिको कामना गरिन्छ ।
उता अविवाहित नारीले सर्वगुण सम्पन्न वरका लागि व्रत बस्ने परम्परा चल्दै आएको छ। मंगलबार तिजको अवसरमा काठमाडौँको वसन्तपुर दरबार क्षेत्रमा नारीहरू नाचगानमा व्यस्त देखिए । प्राय: रातो साडीमा सजिएका उनीहरू नाचगानसँगै सेल्फी खिच्न पनि व्यस्त देखिए ।
तस्बिरहरू : नेपाल फोटो लाइब्रेरी
प्रतिक्रिया