काठमाडौं- नेपाली कांग्रेसकी सांसद् ईश्वरी न्यौपाने राज्य व्यवस्था तथा सुशासन समिति सभापतिको पदमा निर्विराेध निर्वाचित भएकी छिन् ।
समितिको सभापतिमा उम्मेदवारी दिएकी उनीविरुद्ध अरू कसैले पनि उम्मेदवारी दर्ता नगरेपछि निर्विराेध निर्वाचित भएकी हुन् । उनको प्रस्तावकमा साेही समितिका निर्वतमान सभापति सांसद रामहरि खतिवडा र समर्थकमा एमाले सांसद कृष्णगोपाल श्रेष्ठ रहेका थिए ।
यसअघि नेपाली कांग्रेसले राज्य व्यवस्था तथा सुशासन समितिको सभापतिमा उठाउने निर्णय गरेपछि संसदीय सुनुवाइ समितिको सभापति पदबाट राजीनामा दिएकी थिइन् ।
समानुपातिक सांसद रहेकी न्यौपानेलाई कांग्रेसले यसअघि उपसभामुखको उम्मेदवार पनि बनाएको थियो ।
प्रतिक्रिया