एजेन्सी – अमेरिकी उद्योगपति तथा संसारकै धनाढ्य एलन मस्कले विश्वविख्यात प्रविधि कम्पनी एप्पल र कृत्रिम बौद्धिकतामा (एआइ) मा काम गर्ने ‌ओपनएआइविरुद्ध मुद्दा दायर गरेका छन्‌ ।

सम्भावित प्रतिष्पर्धीबाट हुने जोखिम रोक्न अवैध मिलेमतो गरेको आरोप लगाउँदै मस्कले यी दुई कम्पनीविरुद्ध अमेरिकी अदालतमा मुद्दा हालेका हुन् ।

मस्कले आफ्नो कम्पनी एक्स र एक्सएआइमार्फत मुद्दा दर्ता गर्न लगाएका छन् । एप्पलले ओपनएआइको च्याटबटलाई आफ्नो अपरेटिङ सिस्टममा समावेश गरेको र यो काम कानूनको उल्लङ्घन भएको मस्कका कम्पनीको दाबी छ ।

मस्कले यस्तै दुई कम्पनीविरुद्ध यो महिनाको सुरुमा पनि मुद्दा दर्ता गरेका थिए । एप्पलले आफ्नो स्टोरमा ओपनएआइको र्‍याङ्किङ बढाएको पनि मस्कको आरोप छ ।

एप्पललेउ भने हालसम्म मस्कको यो कदमलाई लिएर कुनै प्रतिक्रिया जनाएको छैन । ओपनएआइले भने यो मुद्दालाई ‘मस्कले दिइरहेको हैरानीको निरन्तरता’ भनेको छ ।