काठमाडौं- कपिलवस्तु र मोरङका छुट्टाछुट्टै स्थानमा आगलागी हुँदा धनमाल जलेर नष्ट भएको छ ।

कपिलवस्तुस्थित शिवराज नगरपालिका-५ चन्द्रौटा चोकस्थित भवनको पहिलो तलामा सञ्चालित लुम्बिनी विकास बैंक र दोस्रो तलामा रहेको स्काई फेसन गार्मेन्टमा शनिबार बिहान आगलागी भएको छ । आगलागीबाट भएको क्षतिको विवरण हाल खुल्न नसकेको प्रहरीले जनाएको छ ।

यस्तै मोरङको पथरीशनिश्चरे नगरपालिका-२ देवीगंजस्थित तुलसीराम तिमल्सिनाको गोठ र नजिकै रहेको भान्साघरमा शनिबार दिउँसो आगलागी हुँदा करिब ६ लाख ६३ हजार रूपैयाँ बराबरको धनमाल जलेर नष्ट भएको छ ।

प्रहरीले स्थानीय तथा दमकलको सहयोगमा आगलागी नियन्त्रणमा लिएको र आवश्यक अनुसन्धान भइरहेको जनाएको छ ।