काठमाडौं– नेपाल प्रिमियर लिग (एनपीएल)को दोश्रो संस्करणको खेलाडी अक्सन साउन २४ गते गरिने भएको छ । नेपाल क्रिकेट संघ (क्यान)ले शनिबार विज्ञप्तिमार्फत एनपीएलको अक्सन साउन २४ मा गरिने जनाएको छ । 

क्यानका प्रवक्ता छुम्बी लामाका अनुसार एनपीएलका लागि ४५८ जना नेपाली क्रिकेट खेलाडीहरूले नाम दर्ता गराएका छन् । क्यानले एनपीएलको दोस्रो संस्करणका लागि खेलाडी दर्ता प्रक्रिया जुलाई १२ देखि २२ सम्म खुल्ला गरेको थियो । 

दर्ता भएका सम्पूर्ण खेलाडीहरूको विवरण एनपीएलमा सहभागी आठ फ्रेञ्चाईज टोलीहरूलाई उपलब्ध गराएर क्यानको प्राविधिक समितिले तयार गरेको मापदण्ड र फ्रेञ्चाईज टोलीहरूले इच्छ्याएका खेलाडीहरूको सूचीबाट अक्सनमा सहभागी हुने खेलाडीहरूको अन्तिम नामावली प्रकाशन गरिने जनाएको छ ।