काठमाडौं– काठमाडौंको उत्तरी क्षेत्रमा पर्ने टोखा नगरपालिका-२ झोरमा शनिबार झरना हेर्ने र नुहाएर मज्जा लिने मानिसहरूको घुइँचो लागेको थियो । राजधानी लगायत नेपालको तापक्रम बढेसँगै पानीमा भिज्ने र रमाउने गर्नको लागि झोर आउने गरेका छन्।

शनिबार छुट्टीको दिन शहरको कोलाहलबाट मुक्त भई प्रकृतिमा रमाउन चाहने युवायुवती र हप्ताको एक दिन छोराछोरीसहित घुम्न चाहने अभिभावकका लागि यो झरना आकर्षक गन्तव्य हो ।

काठमाडौंको टोखा नगरपालिका  झोर जुन प्राकृतिक सम्पदाले भरिपूर्ण रहेको छ । साथै यस उपत्यकाको निकै नै प्रख्यात रहेको झोर झरना नजिक अर्थात् बायाँतर्फ ठुला गोलाकार पत्थरको मध्य भागमा रहेको साँगुरो गुफा भित्र रहेको छ प्राचीन कृष्ण बरुणेश्वर महादेव । 

तस्बिरहरू : नेपाल फोटो लाइब्रेरी