काठमाडौं– कलङ्की-नागढुङ्गा सडक खण्डअन्तर्गत थानकोट चेकपोस्ट नजिकै बलम्बुमा बनिरहेको फ्लाइओभरको काम लगभग सकिएको छ ।
मूल सडकको बीच लेनबाट नयाँ खोलिएको सडकतर्फ घुमाउरो ब्रिज (फ्लाइओभर) मा अहिले कालोपत्रे भइरहेको छ । यो फलाइओभरले नागढुङ्गा सुरुङमार्ग (सिस्नेखोला–टोटीपाखा)को पहुँचमार्गलाई कलङ्की-नागढुङ्गा सडकसँग जोड्नेछ ।
यो फ्लाइओभर १२८ मिटर लामो छ । मूल सडकतर्फ फ्लाइओभरमा जोड्न २८० मिटरको र्याम्प बनाइएको छ भने पहुँच मार्गतर्फ २१० मिटरको र्याम्प तयार गरिएको छ । बीचमा १२८ मिटरको फ्लाइओभर ब्रिजसहितको संरचना तयार पारिएको छ ।
नागढुङ्गा सुरुङमार्गमा पनि फिनिसिङको काम भइरहेको छ ।
तस्बिरहरु : नेपाल फोटो लाइब्रेरी
प्रतिक्रिया