काठमाडौं – चीनको सिन्जियाङ प्रान्तमा उइगुर मुस्लिम समुदायमाथि भइरहेको दमनले विश्वको ध्यानाकर्षण गरेको छ ।

यो मुद्दाले मानवाधिकार उल्लङ्घन र शरणार्थी संकटलाई विश्वव्यापी रूपमा उजागर गरेको छ भने यसलाई नजिकबाट हेरिरहेका अन्तर्राष्ट्रिय समुदायबीच देखिएको विभाजनलाई पनि प्रष्ट पारेको छ ।

द प्रिन्ट, एएनआई न्यूज, च्यानल न्यूज एशिया र हिन्दुस्तान टाइम्स जस्ता सञ्चारमाध्यमहरूले यो संकटबारे पटक(पटक समाचार सामग्रीहरू प्रकाशनरप्रसारण गरिरहेका छन् ।ती सञ्चारमाध्यममा गरिएका रिपोर्टिङहरूमा सिन्जियाङमा उइगुर समुदायमाथि व्यवस्थित दमन भइरहेको आरोप लगाइएका छन् ।

सामूहिक नजरबन्द, जबरजस्ती श्रम र सांस्कृतिक पहिचान मेटाउने चीनको नीतिले उनीहरूलाई आफ्नो देश छोड्न बाध्य बनाएको छ ।पछिल्लो समय अमेरिकीहरूले उइगुर समुदायको मानवाधिकार रक्षाका लागि ल्याइएको विधेयकलाई समर्थन गरेका छन् । अमेरिकाको यस्तो पहलले चीनबाट भागेर अन्य देशमा शरण लिन पुगेका उइगुर शरणार्थीलाई सहयोग गर्न र उनीहरूको आधारभूत अधिकार सुनिश्चित गर्ने प्रयास गरेको छ ।

यो प्रयासले उइगुर संकटलाई विश्वव्यापी मञ्चमा पुर्‍याएको छ र बिस्तारै अन्य देशहरूले पनि यसलाई गम्भीरतापूर्वक लिन बाध्य भएका छन् ।त्यस्तै, अमेरिकाले जसले उइगुरलाई द्रुत शरण प्रक्रियामार्फत संरक्षण दिने उद्देश्य राखेको छ । यो नीतिले उनीहरूलाई सुरक्षित स्थानमा लैजान र दमनबाट बचाउन सक्छ ।

यी दुवै प्रयासले अमेरिकाले उइगुर संकटलाई मानवीय दृष्टिकोणबाट हेरेको देखाउँछ । तर, यस्ता कदमले चीनसँगको सम्बन्धमा तनाव बढाउन सक्ने सम्भावना पनि छ, किनकि चीनले यस्ता पहललाई आफ्नो आन्तरिक मामिलामा हस्तक्षेप ठान्छ । यी नीतिहरूले उइगुरलाई तत्काल राहत दिन सक्ने भए पनि दीर्घकालीन प्रभाव भने स्पष्ट छैन ।