काठमाडौं – नेकपा माओवादी केन्द्रले विद्यार्थी राजनीतिबाट बिदा भएका नेताहरूको व्यवस्थापन गरेको छ। अखिल (क्रान्तिकारी) को २३ औं राष्ट्रिय सम्मेलनबाट झण्डै एक हजार बढी नेताहरू संगठनबाट बिदा भएका थिए। क्रान्तिकारीमा ३२ वर्षीय उमेर हद लागू भएपछि ती नेताहरूको कार्यविभाजन हुन सकेको थिएन।

विद्यार्थी नेताहरूको तहगत व्यवस्थापनको लागि पार्टी केन्द्रीय समिति बैठकबाट निर्माण भएको कार्यदलले गरेको सिफारिस अनुसार कार्य विभाजन गरेको पूर्व अध्यक्ष पञ्चासिंहको दाबी छ ।

‘परिपत्रमा छुट्नु भएका कमरेडहरुको व्यवस्थापन पार्टीको नितिगत निर्णयअनुरुप हुनेछ।युवा विधार्थीहरुको ज्ञान क्षमता र उर्जालाई पार्टीमा लगानी गर्न पार्टीले उचित स्थान प्रदान गरेको छ।’ सिहले भनिन् , ‘परिचालन भएका सम्पूर्ण युवाहरूले पार्टीमा महत्वपूर्ण भूमिका खेल्नुहुनेछ भन्ने हामी सबैले अपेक्षा गरेका छौँ।’

माओवादी अहिले तराई मधेस अभियानमा लागिरहेको छ ।