काठमाडौं– उपराष्ट्रपति रामसहायप्रसाद यादवले अत्याधुनिक  प्रविधि, सीपले सुसज्जित, अध्ययन अनुसन्धानमा पारङ्गत र कूटनीतिक कौशलमा निपूर्ण सेना आजको आवश्यकता भएको बताएका छन् ।

सेना दिवसका अवसरमा आज शुभकामना व्यक्त गर्दै उनले दिवसले सेनाहरूको साहस, वीरता, समर्पण र बलिदानलाई स्मरण गर्ने अवसर प्रदान गर्ने उल्लेख गरेका छन् ।

सेनाले राष्ट्र सुरक्षा र सम्मानको रक्षा गर्ने जनाउँदै उनले नेपाली सेनाले साहसी र समर्पित भावले काम गरिरहेको बताएका छन् ।

उनले भनेका छन्, ‘सेना दिवसका अवसरमा हामी सबै मिलेर देशको सुरक्षा र विकासमा योगदान दिने सङ्कल्प लिन सक्नु पर्दछ । सेनाले मुलुकलाई बाहिरी शत्रुबाट रक्षा गर्नुका साथै विभिन्न प्राकृतिक प्रकोप र विपद्को घडीमा देश र समाजलाई सहयोग गर्दै आएको छ ।’