बिरगञ्ज– अशोक राई नेतृत्वको समाजवादी पार्टीको संघीय परिषद्को भेला चैतमा गरिने भएको छ। सो पार्टीको आज सम्पन्न केन्द्रीय समितिको बैठकले चैतमा, काठमाडौंमा सो भेला गर्ने निर्णय गरेको हो  ।

शनिबारबाट सुरू भई आइतबार वीरगञ्जमा सम्पन्न पार्टीको दोस्रो केन्द्रीय समितिको बैठकले यस्तो निर्णय गरेको महासचिव ईस्तियाक राईले बताए ।

बैठकले अध्यक्ष राईको राजनीतिक प्रविदेदनसमेत सर्वसम्मत पारित गरेको तथा पार्टीको जिल्ला र प्रदेश कमिटीहरूलाई पूर्णता दिने गरी सांगठनिक प्रतिवेदनसमेत पारित गरेको उनले बताए ।

उनका अनुसार पार्टी संघीय परिषद्को भेला आयोजना गर्नुभन्दा अगावै पार्टी कमिटीलाई पूर्णता दिइने निर्णयसमेत भएको महासचिव राईले बताए ।