काठमाडौं– साताको पहिलो दिन आइतबार नेपाल स्टक एक्सचेञ्ज (नेप्से) १०.४१ अंकले घटेको छ । तर, आइतबार नेप्सेमा ९ अर्ब १२ करोड ८६ लाख माथिको शेयर कारोबार भएको छ ।

आइतबार नेप्सेमा आएको गिरावटसँगै नेप्से परिसूचक २६४४३.९३ अंकमा पुगेको छ । साथै कारोबारमा आएको गिरावटका कारण नेप्सेको पुँजीकरण समेत ०.३९ अंकले घटेको छ ।

आइतबार नेप्सेमा १ करोड ५७ लाख २० हजार ३६७ कित्ताको शेयर कारोबार हुँदा ११६ वटा कम्पनीको शेयर मूल्य बढ्यो भने १२१ वटा कम्पनीको शेयर मूल्य घट्यो । त्यस्तै आजको शेयर कारोबारमा ६ वटा कम्पनीको शेयर मूल्य भने स्थिर रह्यो ।

आइतबारको शेयर कारोबारमा विकास बैंक, जलविद्युत, लघुवित्त, म्युचुअल फन्ड र अन्य सूचक बढेको छ भने बैंकिङ, फाइनान्स, होटेल तथा पर्यटन, लगानी, जीवन बीमा, उत्पादन तथा प्रशोधन, निर्जीवन बीमा र व्यापार समूहको सूचक घटेको छ ।