काठमाडौं – भारतका १४ वर्षीय जादुमयी ब्याटर वैभव सूर्यवंशीले ३९ वर्षअघिको रेकर्ड तोड्दै ३६ बलमा शतक प्रहार गरेका छन् ।

भारतमा जारी विजय हजारे ट्रफीमा बिहारको तर्फबाट खेल्दै उनले यो नयाँ रेकर्ड बनाएका हुन् ।

अरुणाचल प्रदेशविरुद्ध ब्याटिङ गरेका उनले बिहारका लागि ३६ बलमा शतक पूरा गरेका हुन् । यो शतकसँगै लिस्ट–ए क्रिकेटमा कम उमेरमा शतक प्रहार गर्ने खेलाडीको रुपमा कीर्तिमान बनाएका छन् । यसअघि यो रेकर्ड पाकिस्तानका जहुर इलाहीको नाममा थियो ।

बैभवले यसबाहेक भारतीय क्रिकेटमा प्राप्त द्रुत शतकको रेकर्ड पनि तोडेका छन् । भारतमा सबैभन्दा छिटो शतक ३५ बलमा शतक बनाएर अनमोलप्रीत सिंहले नाम राखेका थिए । युसुफ पठानले ४० र अभिषेक शर्माले ४२ बलमा शतक हिर्काएका छन् । वैभवले ३६ बलमै शतक प्रहार गरेर नयाँ सफलता प्राप्त गरेका हुन् ।

उक्त खेलमा वैभवले ८४ बलको सामना गर्दै १९० रन हेर्काए । उनले १६ चौका र १५ छक्का प्रहार गरे ।