काठमाडौं– बडादशैं अन्तर्गत फूलपाती नजिकिँदै जाँदा उपत्यकाबाट बाहिरिने यात्रुहरूको संख्या बढ्दै गएको छ ।
बिहीबार बल्खु, कोटेश्वर कलंकी लगाएका नाका हुँदै उपत्यकाबाट बाहिरिने यात्रुहरूको संख्या बढेको हो । मुग्लिन–नारायणघाट सडकखण्ड पहिरोले अवरुद्ध भएपछि बिपी राजमार्गमा सवारी चाप बढेको ट्राफिक प्रहरीले जनाएको छ ।
काठमाडौंबाट पछिल्लो ६ दिनमा दुई लाख भन्दा बढी यात्रु बाहिरिएको काठमाडौं उपत्यका ट्राफिक प्रहरी कार्यालयले जनाएको छ ।
थानकोट, साँगा, दक्षिणकाली र बालाजु नाकाबाट यात्रुहरू गन्तव्य स्थलमा गएका हुन् । यस वर्ष विभिन्न स्थानमा गएको पहिरोका कारण दशैँमा घर फर्कने यात्रुहरू समस्यामा परेका छन् ।
प्रतिक्रिया