काठमाडौं– भारतमा युनिफाइड पेमेन्ट इन्टरफेस (यूपीआई) मार्फत हुने कारोबार ह्वात्तै बढेको पाइएको छ । सन् २०२५ मा यूपीआईमार्फत् हुने कारोबारको दर र परिमाण दुवै वृद्धि भएको एसबीआईको प्रतिवेदनले देखाएको छ ।
एसबीआईका अनुसार यूपीआईमार्फत् यस वर्षको जनवरी महिनामा दैनिक ७५ हजार ७ सय ४३ करोड भारु बराबर कारोबार हुँदै आएको थियो । तर, जुलाई महिनामा यो बढेर ८० हजार ९ सय १९ करोड भारु पुगेको छ ।
पछिल्लो तथ्याङ्कमा यूपीआईलाई बैङ्किङ क्षेत्र र उपभोक्ताले पनि रुचाएको देखिएको छ । तथ्याङ्क अनुसार जुन महिनामा यूपीआईमार्फत् सबैभन्दा धेरै महाराष्ट्रमा ९.८ प्रतिशत कारोबार भएको छ ।
त्यसपछि कर्णाटकमा ५.५ प्रतिशत र उत्तर प्रदेशमा ५.३ प्रतिशत रहेको छ ।
प्रतिक्रिया