काठमाडौं– इजरायली आक्रमणका कारण प्यालेस्टाइनको गाजा क्षेत्रमा चार पत्रकारसहित १५ जनाको ज्यान गएको छ । दक्षिणी गाजा क्षेत्रको एउटा अस्पतालमा इजरायलले गरेको दोहोरो हवाई आक्रमणमा परी १५ जना मारिएको त्यहाँको नागरिक प्रतिरक्षा निकायले जनाएको छ ।

इजरायली सेनाले शुरुमा नासेर अस्पतालमा हवाई आक्रमण गरेको थियो । प्रारम्भीक हवाई आक्रमणपछि उद्धारकर्मी र पत्रकार घटनास्थल पुगेका थिए । प्रारम्भीक हवाई आक्रमणको केही समयलगत्तै फेरि दोस्रो पटक सोही स्थानमा अर्को हवाई आक्रमण गरेको बीबीसीले जनाएको छ ।

आक्रमणमा परी समाचार संस्था रोयटर्स, अल जजीरा, एपी र एनबीसीका पत्रकार मारिएको हुन् ।

मारिनेमा रोयटर्सका क्यामेराम्यान हुसाम अल मसरी, एसोसिएटेड प्रेसका लागि काम गर्ने स्वतन्त्र पत्रकार मरियम दग्गा, अल जजीराका मोहम्मद सलमेह र एनबीसीका फोटोग्राफर मुथा अबु ताहा मारिएका छन् ।