ललितपुर- प्रधानमन्त्री एवम् नेकपा (एमाले) का अध्यक्ष केपी शर्मा ओलीले बुधबार पार्टीको सदस्यता शुल्क र लेबी तिरेका छन् ।

ललितपुरको च्यासलस्थित पार्टीको केन्द्रीय कार्यालयमा रहेको वित्त तथा कोष व्यवस्थापन विभाग पुगेर ओलीले आर्थिक दायित्व तिरेका हुन् ।

अध्यक्ष ओलीलाई केन्द्रीय कार्यलयका सचिव डा. भीष्म अधिकारी र लेखा प्रमुख राजेन्द्र श्रेष्ठले रसिद बुझाएका थिए ।

एमालेले संगठित सदस्यबाट वार्षिक ३ सय रुपैयाँ शुल्क लिन्छ । उक्त रकमसहित ओलीले लेबीबापद् १२ महिनाको तीन लाख रुपैयाँ पनि तिरेका छन् ।

ओलीले लेबी र सदस्यता शुल्कसहित जम्मा तीन लाख तीन सय रुपैयाँ बुझाएको एमालेका केन्द्रीय कार्यालय सचिव डा. अधिकारीले बताए ।