काठमाडौं– प्रमुख सत्तारुढ दल नेकपा एमालेको सचिवालयको बैठक सुरू भएको छ । यो बैठक आइतबार दिउँसो २ बजे पार्टी केन्द्रीय कार्यालय च्यासलमा सुरू भएको हो ।

बैठकमा पछिल्लो समय पार्टीका गतिविधि, समसामयिक राजनीति र सरकारको कामकारबाहीलगायत विषयमा छलफल हुने बताइएको छ ।

यस्तै यस बैठकले यसअघि कारबाहीमा परेका पोलिटब्युरो सदस्य डा. बिन्दा पाण्डे र केन्द्रीय सदस्य उषाकिरण तिमिल्सिनाको कारबाही फुकुवा गर्न सक्ने छ ।

भाटभटेनीका मालिक मीनबहादुर गुरुङबाट कीर्तिपुरमा १० रोपनी जग्गा लिएको कुराको आलोचना गरेपछि एमालेले गत पुस १० गते यी दुई नेतृलाई ६ महिनाका लागि पदबाट निलम्बन गरेको थियो ।

त्यही दिन पूर्वउपाध्यक्ष डा. भीम रावललाई पनि एमालेबाट निष्कासित गरिएको थियो। रावललाई निष्कासनको निर्णय फिर्ता नभए पनि दुई नेतृको कारबाही पनि फुकुवा हुन सक्नेछ ।