काठमाडौं – नेपाली फिल्म इतिहासको सबैभन्दा बढी व्यापार गरेको फिल्म ‘पूर्णबहादुरको सारङ्गी’का निर्माताको नयाँ फिल्म ‘अभिमन्यु’मा नायिका गौमाया गुरुङ अनुबन्ध भएकी छन् ।

यस फिल्ममा अनुबन्ध हुने उनी पहिलो कलाकार हुन् । उनी केन्द्रीय भूमिकाका लागि अनुबन्ध भएको बुझिएको छ ।

उनीबाटै फिल्मका कलाकारको चयनको काम सुरु भएको निर्माता पौडेलले बताए।

उनले भने, ‘कलाकार चयनको काम सुरु भयो । अब अन्य कलाकारहरु पनि सार्वजनिक गर्दै जानेछौं ।’

यसअघि नै फिल्ममा निर्देशकको जिम्मेवारीमा सुशान्त गौतमा फाइनल भएका थिए । उनको यो डेब्यू निर्देशन हो ।

यस फिल्मको छायाङ्न आगामी नयाँ वर्षको सुरुवातबाट हुने बताइएको छ । फिल्मको प्रदर्शन नयाँ मिति भने भदौ २७ लाई तोकिएको छ ।

यसअघि फिल्मको थिम पोस्टर र निर्देशकबारे जानकारी दिइएको थियो । उक्त पोस्टरमा भने फिल्मको प्रदर्शन मिति साउन २४ लाई तोकिएको थियो ।

थिम पोस्टरमा पोस्टरमा च्रकव्यूह र उडिरहेको पैसालाई देख्न सकिन्छ । निर्माण पक्षका अनुसार पोस्टरले पैसाको प्रलोभनमा चक्रव्यूहमा फसेर त्यहाँबाट उम्किन खोज्ने पात्रको कथामा फिल्म निर्माण हुने बताएको छ ।

फिल्मका लेखक मुकेश खनाल हुन् । यो फिल्म हिन्दी र नेपाली भाषामा एक साथ प्रदर्शनमा ल्याउने योजनामा निर्माता पौडेल रहेका छन् ।