काठमाडौं – राष्ट्रिय स्वतन्त्र पार्टी रास्वपाले नेपाल विद्युत प्राधिकरणका कार्यकारी निर्देशक कुलमान घिसिङलाई सरकारले बर्खास्तिप्रति पार्टीको ध्यानाकर्षण भएको जनाएको छ । 

दैनिक नेपाली जनतालाई अँध्यारोबाट मुक्त गराउन महत्वपूर्ण योगदान दिएका घिसिङलाई बदनियतपूर्ण तरिकाले बर्खास्त गर्न लागेको भन्दै ध्यानाकर्षण जनाएको हो । रास्वपा कार्यवाहक महामन्त्री कविन्द्र बुर्लाकोटीद्वारा हस्ताक्षरित विज्ञप्तिमा बिचौलियाहरूको संरक्षण गर्न घिसिङमाथि कारबाही गरिएको उल्लेख छ । 

विज्ञप्तिमा भनिएको छ दैनिक १८ घण्टा लोडसेडिङ खेपिरहेका नेपाली जनतालाई अँध्यारोको सकसबाट मुक्त गर्न मूख्य भूमिका निभाएका नेपाल विद्युत प्राधिकरणका कार्यकारी कुलमान घिसिङलाई सरकारले बदनियतपूर्वक बर्खास्त गरेको समाचारप्रति पार्टीको ध्यानाकर्षण भएको छ । 

यस्ता जनविरोधी कदमहरूले देशमा देशमा केही गरौँ भन्ने युवाहरू निरुत्साहित भएको पार्टीको ठहर छ ।