काठमाडौं- नेपाल विद्युत् प्राधिकरणका प्रबन्ध निर्देशक कुलमान घिसिङलाई हटाएको विरोधमा सडकमा स्वर चर्किँदैछ ।

मंगलबार बिहानैदेखि विभिन्न दल र समूहले सडकमा उत्रिएर निरन्तर प्रदर्शन गरिरहेका छन् ।

मंगलबार बिहानैदेखि आन्दोलन चर्किरहेको छ । माइतीघरमण्डलदेखि नयाँबानेश्वरको सडक क्षेत्रमा एकपछि अर्को समूहले प्रदर्शन गरिरहेका छन् ।

मंगलबा स्वतन्त्र नागरिक समूहले दिउँसै बत्ती बालेर, क्यान्डल बोकेर प्रदर्शन गरेका छन् । उनीहरूले सरकारले अन्धकार चाहेको भन्दै कुलमान हटाउने कदमको चर्को आलोचना गरेका छन् ।

प्रदर्शनमा सहभागीले आफूहरूलाई अँध्यारो होइन, उज्यालो चाहिएको भन्दै कुलमानलाई प्राधिकरणमा पुनर्स्थापित गर्न माग गरेका छन् ।

तस्बिरहरू : नेपाल फोटो लाइब्रेरी