एजेन्सी – कम्बोडियाले बुधबार थाइ सेनाले बान्टे मिन्चे प्रान्तमा क्लस्टर बम खसाल्न लडाकु जेटहरू प्रयोग गरेको बताएको छ भने थाइ सेनाले जवाफमा तैनाथ क्लस्टर बमहरू विशेष गरी सैन्य केन्द्रहरूमा लक्षित गरी खसालेको जनाएको छ। 

थाइ सेनाले बटामबाङ प्रान्तको नागरिकको आवासीय क्षेत्रमा चारवटा बम खसाल्न लडाकु जेटहरू प्रयोग गरेको कम्बोडियाको रक्षा मन्त्रालयले एक प्रेस विज्ञप्ति मार्फत जनाएको छ ।

 यसै बिच ‘कम्बोडियन माइन एक्सन एन्ड भिक्टिम असिस्टेन्स अथोरिटी’ले मङ्गलबार थाइल्यान्डले नागरिक क्षेत्रमा वा नजिकै क्लस्टर हतियार र विषाक्त ग्यास प्रयोग गरेको रिपोर्टमा गम्भीर चिन्ता व्यक्त गरेको छ ।

रोयल थाइ आर्मीका प्रवक्ता विन्थाई सुवारीले बुधबार कम्बोडियाले दावी गरेको क्लस्टर बमहरू सैन्य लक्ष्यहरू विरुद्ध प्रयोग गरिएको बताउँदै यसले नागरिकहरूलाई कुनै हानी नपुर्‍याउने बताएका छन् ।
 
विन्थाईले क्लस्टर  सम्बन्धी कन्भेन्सनले पक्षहरूलाई त्यस्ता हतियारहरू प्रयोग गर्न, उत्पादन गर्न वा भण्डारण गर्न निषेध गर्दछ, तर थाइल्यान्ड र न त कम्बोडिया कन्भेन्सनको पक्ष राष्ट्रहरू नभएकाले उनीहरूलाई यो बाध्यकारी छैन ।