काठमाडौं– नेपाल प्रिमियर लिग अन्तर्गत सोमबारको दोस्रो खेलमा सुदूरपश्चिमविरुद्ध जवाफी ब्याटिङमा उत्रिएको कर्णाली याक्सले दोस्रो ओभरको पाँचौँ बलमा प्रियांक पञ्चाललाई गुमाएको छ । 

यस सिजनको दोस्रो सर्वाधिक रन बनाउने पञ्जाललाई सुदूरपश्चिमका कप्तान दीपेन्द्रसिंह ऐरीले बिनोद भण्डारीमार्फत् क्याच आउट गराएका हुन् ।

आजको खेलमा पञ्चालको ब्याटिङ चलेन । पञ्चाल पाँच बलमा सामना गर्दा रनको खाता नखोली आउट भएका हुन् ।
टिमको पहिलो खेलमा पञ्चाल चितवन राइनोजविरुद्ध ४८ बलमा ९० रन जोडेका थिए । उनी सिजनको सर्वाधिक दोस्रो रन बनाउने खेलाडी हुन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा कर्णाली टस जितेर १४० रनको लक्ष्य पछ्याउँदै जवाफी ब्याटिङमा उत्रिएको हो ।