काठमाडौं- नेपाली कांग्रेसका सभापति शेरबहादुर देउवा र पत्नी डा. आरजु राणा देउवा बुधबार डिस्चार्ज भएर ललितपुर जाने भएका छन् ।

गत भदौ २४ गते जेन–जी आन्दोलनकारी नाममा उग्र समूहले बूढानीलकण्ठस्थित निवासमै कुटपिट र धारिलो हतियारले आक्रमण गर्दा दुवैजना घाइते भएका थिए ।

देउवा दम्पतीलाई भदौ २४ गते नेपाली सेनाले उद्धार गरेर सैनिक अस्पतालमा भर्ना गरेको थियो । जेन–जी प्रदर्शनकारीले देउवाको गर्धनमा धारिलो हतियारले प्रहार गर्दा १२ टाँका लगाउनुपरेको थियो ।

देउवाका स्वकीय सचिव भानु देउवाले दुवैजनाको स्वास्थ्यमा सुधार भएकाले उपचारमा संलग्न सैनिक अस्पतालका चिकित्सकको सल्लाहअनुसार डिस्चार्ज भएर ललितपुर लान लगिएको हो ।

जेन–जी आन्दोलनका क्रममा देउवा निवास बूढानीलकण्ठ जलाएर ध्वस्त बनाइएको छ । डिस्चार्जपछि देउवा दम्पतीले अब ललितपुरको सानेपा र जावलाखेलमध्ये एक ठाउँमा बस्ने भएका छन् ।

आरजुको माइती सानेपामा छ । जावलाखेलमा उनका भाइ भूषण राणाको निवास छ । ध्वस्त बनाइएको बूढानीलकण्ठको घर बनाउन लामो समय लाग्ने अवस्था छ।

त्यहीकारण देउवाले तत्काललाई ससुरालीको घरमा आश्रय लिन लागेका हुन् । उनीहरू सम्भवत: सानेपानजिकै झम्सिखेलमा बस्नेछन् ।