बक्यौता माग्दै उखु बोकेर धर्ना बसे किसान (तस्बिरहरू)

खबरहब

८ भदौ २०८२, आइतबार

पढ्न लाग्ने समय : 2 मिनेट

काठमाडौं– उखु उत्पादक महासंघ नेपालले गत आर्थिक वर्ष ०८१/०८२ को उखुको बक्यौता अनुदान रकम प्रति क्विन्टल ७० रुपैयाँका दरले भुक्तानी गर्न माग गर्दै आजदेखि माइतीघरमा आन्दोलन सुरु गरेको छ । किसानहरू उखु नै बोकेर सडकमा धर्ना बसेका छन् ।

आफ्ना माग सम्बोधन नभएसम्म माइतीघर मण्डलामा धर्ना र विरोध कार्यक्रम जारी राख्ने उनीहरूको भनाइ छ । अनुदान निरन्तरताको माग गर्दै १३ जिल्लाका अगुवा किसानहरू माइतीघर मण्डलामा भेला भएका छन् ।