काठमाडौं– माबिलुङ्ग इनर्जी लिमिटेडले सर्वसाधारणका लागि निष्काशन गरेको साधारण शेयर (आइपीओ) बाँडफाँड भएको छ। आइपीओ आइतबार बाँडफाँड भएको हो ।
कुल १२ लाख ४८ हजार ९०४ कित्ता आइपीओ निष्काशन गरेको थियो । आवेदन स्वीकृत भएका २१ लाख ९७ हजार ५८२ जनामध्ये एक लाख २४ हजार ८९० जनाले १०/१० कित्ताका दरले शेयर पाएका छन्।
बढी कित्ताका लागि आवेदन दिएका मध्ये चार जनाले भने ११ कित्ताका दरले आइपीओ पाएका छन् । २१ लाखभन्दा बढीले भने शेयर पाएका छैनन् ।
कम्पनीले गत साउन २६ देखि २९ गतेसम्म सर्वसाधारणको लागि आइपीओ निष्काशन गरेको थियो।
प्रतिक्रिया