सुर्खेत– दैलेखको गुराँस गाउँपालिकाले नीति तथा कार्यक्रम सार्वजनिक गरेको छ । गाउँपालिकाका अध्यक्ष टोपबहादुर बिसीले सार्वजनिक गरेको नीति तथा कार्यक्रममा १८ वटा गौरवका योजनाहरुसमेत समावेश गरेका हुन् ।

गुराँसले सार्वजनिक गरेका गौरवका योजनामा जंगलमा फिरन्ते जीवन बिताउदै आएको राउटे समुदायको स्थायी नमूना बसोबासको व्यवस्था गर्ने उल्लेख छ । राउटे समुदायको अभिलेख राख्न गुराँसले परिचय पत्र वितरण यसअघि नै गरिसकेको छ ।

एक घर एक धारा, एक घर एक रोजगार कार्यक्रम, भौतिक विकास र मानव विकाससँगै दिगो विकास लक्षित नीति कार्यक्रम र बजेट, पूर्ण सरसफाइ र खानेपानी सम्पन्न गाउँपालिका बनाउने नीति लिएको अध्यक्ष बिसीले जानकारी दिए ।