ओभरपासले ग्वार्कोमा सहज, कोटेश्वर-जडिबुटीमा उस्तै चाप (तस्बिरहरू)

खबरहब

१० असार २०८२, मंगलबार

पढ्न लाग्ने समय : 2 मिनेट

काठमाडौं– ललितपुरको ग्वार्कोमा ओभरपास सञ्चालनमा आएसँगै त्यहाँ दैनिक रूपमा जाम हुने जाम हुने समस्या हटेको छ ।

गत शुक्रबार प्रधानमन्त्री केपी शर्मा ओलीले ओभरपासको उद्घाटन गरेसँग सञ्चालनमा आएको थियो । त्यसअघि सो क्षेत्रमा दैनिक घण्टौँसम्म ट्राफिक जामको समस्या हुन्थ्यो । अहिले उक्त जामको समस्या समाधान भएको छ ।

तर ग्वार्कोमा जामको समस्या समाधान हुँदा त्यो जाम सरेर कोटेश्वर क्षेत्रमा पुगेको छ । आजभोलि दैनिक रूपमा कोटेश्वर जडीबुटीमा लामो ट्राफिक जाम हुन थालेको छ ।