काठमाडौं– सत्तापक्षीय राजानीतिक दलहरुको बैठकले सरकारले जेठ १५ गते सङ्घीय संसदमा प्रस्तुत गरेको आगामी आर्थिक वर्ष २०८२–०८३ को विनियोजन विधेयक पारित गराउने निर्णय गरेको छ ।

प्रधानमन्त्री केपी शर्मा ओलीको आह्वानमा बालुवाटारमा मंगलबार बिहान बसेको बैठकले सांसदहरुलाई बजेटका पक्षमा मत जाहेर गराउने निर्णय गरेको हो ।

बजेटमाथिको छलफलमा उठेका प्रश्नमा प्रधानमन्त्रीसहित सम्बन्धित मन्त्रीहरुले जवाफ र स्पष्टीकरण दिएपछि आजै प्रतिनिधिसभा बैठकमा निर्णयार्थ प्रस्तुत गरिने कार्यसूची छ ।

बैठकमा सहभागी तराई मधेश लोकतान्त्रिक पार्टीका अध्यक्ष महन्थ ठाकुरले बजेटमा प्रस्तावित ‘टेक एन्ड पे’ का विवषयमा एमाले र नेपाली कांग्रेसबीच समझदारी भइसकेकाले बजेट पारित गराउने विषयमा छलफल भएको जानकारी दिए ।