काठमाडौं– अमेरिकी सरकार अन्तर्गत एलन मस्कको नेतृत्वमा रहेको सरकार दक्षता विभाग (डज) ले विदेशी सहायता परियोजना मिलेनियम च्यालेन्ज कर्पोरेशन (एमसीसी) बन्द गर्ने भएको छ ।
यो परियोजना बन्द गर्ने निर्णयले नेपाल लगायत धेरै देशहरुलाई असर गर्ने भएको छ । साथै, यस परियोजना अन्तरगत कार्यरत ३२० जना कर्मचारीको रोजगारीसमेत धरापमा पर्ने भएको छ ।
विश्वभरका विकासशील देशहरूलाई दिइँदै आएको अनुदान बन्द गर्ने योजना बनाएको अमेरिकी सरकारले एमसीसीका ३२० कर्मचारीलाई स्वेच्छिक अवकाश एवं राजीनामाको प्रस्ताव गर्न लागेको पोलिटिको डटकमले जनाएको छ ।
समाचारमा उल्लेख भएअनुसार मंगलबार कर्मचारीहरूलाई पठाइएको इमेलमा एमसीसी बन्द गर्न लागिएको हो ।
‘हामीले डज टिमबाट बुझ्यौं कि चाँडै एमसीसीका कार्यक्रमहरू र सम्बन्धित कर्मचारीहरूको संख्यामा उल्लेखनीय कमी आउनेछ,’ कार्यवाहक सीईओले इमेलमा लेखेको अन्तराष्ट्रिय सञ्चारमाध्यममा उल्लेख छ ।
विकासमा पछि परेका देशहरुमा सुशासन, दिगो आर्थिक विकास र गरिबी न्यूनीकरणमा सहयोग गर्न एमसीसीले अनुदान सहयोग गर्दै आएको छ ।
राष्ट्रपति डोनाल्ड ट्रम्पले निर्वाचित भएलगत्तै एलोन मस्क र विवेक रामास्वामीले सरकारको दक्षता विभाग(डज) को नेतृत्व गर्ने घोषणा गरेका थिए । उनले संघीय खर्चमा जवाफदेहिता एवं पारदर्शिता ल्याउन र करदाताहरूले बुझाएको रकमको सदुपयोग गर्न भन्दै डज जन्माएका हुन् । डजले ड्रम्प प्रशासनलाई खर्च कटौतीको सुझाव दिँदै आएको छ ।
अबको केही महिनामा यो परियोजना बन्द हुन सक्ने बताइए पनि नेपालमा जस्तै कार्यान्वयनमा गइसकेका परियोजनाहरुको हक के हुनेछ भन्ने स्पष्ट भइसकेको छैन ।
नेपालमा अमेरिकाले एमसीसी परियोजनामा ५० करोड अमेरिकी डलर सहायता दिने सम्झौतामा हस्ताक्षर गरिसकेको छ ।
हेर्नुहाेस्- एमसीसी परियोजनामा हस्ताक्षर गरेका देशहरुको सूची
यो पनि-
सधैँलाई रोकिएको हो १०३ अर्बको अमेरिकी एमसीसी ?
प्रतिक्रिया