काठमाडौं– मन्त्रिपरिषद् बैठक ६ बजेका लागि सारिएको छ । आज तीन दलका शीर्ष नेताको भेटवार्ता भएपछि ५ बजेका लागि बोलाइएको बैठक ६ बजेका लागि सरेको हो । 

आजको बैठक नियमित बैठक हो । सङ्क्रमणकालीन न्याय टीआरसी सँग सम्बन्धित विषयमा छलफल गर्न प्रमुख तीन दलका शीर्ष नेताहरू अहिले सिंहदरबारमा छन् । यसबारे पनि मन्त्रिपरिषद् बैठकमा छलफल हुन सक्ने बताइएको छ । 

सत्ता साझेदार दुई दल नेपाली कांग्रेसका सभापति शेरबहादुर देउवा, नेकपा एमाले अध्यक्ष तथा प्रधानमन्त्री केपी शर्मा ओली र प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल प्रचण्डले  सङ्क्रमणकालीन न्यायसँग सम्बन्धित विषयमा छलफल गरिरहेका छन् । 

यो बैठक सकेर लगत्तै प्रधानमन्त्री ओली मन्त्रिपरिषद् बैठकमा सहभागी हुने प्रधानमन्त्रीको सचिवालयले खबरहबलाई बताएको छ ।