काठमाडौं– सोमबार नेपाल स्टक एक्सचेञ्ज (नेप्से)मा पुन: रौनक फर्किएको छ । आज नेप्से २६.१० अंकले बढेर रौनक छाएको हो । सोमबार नेप्से १.१६ प्रतिशतले बढेर २६४०.७८ विन्दुमा आएको छ ।
आज बजारमा ५३ अंकको उतारचढाव देखिएको छ । नेप्से बढ्दा कारोबार भने घटेको छ । आइतबार ६ अर्ब ३२ करोड रुपैयाँ बराबरको कारोबार हुँदा ४ अर्ब ४८ करोड ३५ लाख ९९ हजार रुपैयाँ बराबरको मात्र कारोबार भएको छ ।
यस्तै २१० वटा कम्पनीको शेयर मूल्य बढेको छ भने ३३ वटा कम्पनीको शेयर मूल्य घटेको छ । आज कुनैपनि कम्पनीको शेयरमूल्य स्थिर भने रहेको छैन ।
आज १३ वटा समूह सबैमा उछाल आएको छ ।
प्रतिक्रिया