काठमाडौं – अहिले फक्स न्युजसँग अमेरिकी राष्ट्रपति डोनाल्ड ट्रम्पको अन्तरवार्ता चर्चामा रहेको छ । उनले उत्तरी कोरियाली नेता किम जङ्ग युनलाई ‘ स्मार्ट गाइ’ को संज्ञा दिँदै उनीसँग चाँडो भेट गर्ने विश्वास व्यक्त गरेका छन् । 

यस अघि ट्रम्पको पहिलो कार्यकालमा नै उत्तर कोरियालीलाई आणविक हतियार छाड्न भनिएको थियो । धेरै विश्लेषकहरूले अहिले ट्रम्पले वार्ता सुरु गरे पनि उत्तर कोरिया सोही अवस्थामा नरहने बताएका छन् । 

अहिले उत्तर कोरियाको आणविक ‘आर्सनल’ धेरै विकास भई सकेको छ । सन् २०२२ मा उनले संविधानमा परिवर्तन गरी सकेका छन् । साथमा उनले यसलाई निःशस्त्रीकरण नगर्ने बताइसकेका छन् ।

अहिले किम एक्लो पनि छैनन् । उत्तर कोरियाले युक्रेनसँगको युद्धमा रुसलाई सहयोग गरी रहेका छन् । रुस पनि अहिले धेरै प्रतिबन्धको सामना गर्ने तयारी गरिरहेको जनाइएको छ ।