काठमाडौं – नेकपा एमालेका नेता महेश बस्नेतमाथि विराटनगर विमानस्थलमा आइतबार बिहान रातो मसी फ्याँक्ने प्रयास भएको घटनाप्रति नेतृ रामकुमारी झाँक्रीले कडा प्रतिक्रिया जनाएकी छन्।

बस्नेत विमानस्थलबाट बाहिरिने क्रममा जेन–जी समूहका नाममा भेला भएका प्रदर्शनकारीहरूले उनी सवार गाडीमा रातो रङ हानेका थिए।

घटनामा संलग्न सञ्जोग गौतम र अर्पित कुँवरलाई प्रहरीले नियन्त्रणमा लिएको छ। बस्नेत एमालेको कार्यक्रमका लागि कोशी आएको बताइएको छ।

घटनापछि नेतृ झाँक्रीले सामाजिक सञ्जालमार्फत प्रतिक्रिया दिँदै भनिन्, ‘महाभारतमा पाण्डवले युद्ध जिते, कौरव हारे, कारण पाण्डवहरूको अद्वितीय एकता हो। विराटनगरमा महेश बस्नेतमाथि आक्रमण प्रयास भएको खबर सुन्दा दुःख लाग्यो। सरकारले यस्ता पात्रलाई कारबाही गर्नुपर्छ। अपराधी मनोवृत्तिका केही व्यक्तिहरूले बारम्बार यस्तो काम गर्छन्। हामी सचेत बन्नुपर्छ, पार्टी पंक्ति एउटै मिशनमा लागौं।’