काठमाडौं– मंगलबार नेपाल स्टक एक्सचेञ्ज (नेप्से) ५८.३६ अंकले बढेको छ । आइतबार १११.७० अंकले बढेको नेप्से मंगलबार पनि दोहोरो अंकले बढेर २६८२.२५ अंकमा पुगेको हो ।
मंगलबार ५ अर्ब २९ करोड २७ लाख ७३ हजार रुपैयाँ बराबरको सेयर कारोबार हुँदा २३८ वटा कम्पनीको सेयर मूल्य बढेको छ भने १४ वटा कम्पनीको सेयर मूल्यमा गिरावट आएको छ ।
मंगलबार नेप्सेमा भएको सेयर कारोबारमा सप्तकोशी विकास बैंक समूहको सेयर कारोबारीले सबैभन्दा धेरै नाफा कमाए भने प्रभु स्मार्ट फन्डको सेयर कारोबार गर्नेले सबैभन्दा धेरै गुमाए ।
नेप्से परिसूचक बढेसँगै आज सबै समूहको सूचक पनि बढेको छ ।
प्रतिक्रिया